Tesla جانە SpaceX كومپانيالارىنىڭ باس اتقارۋشى ديرەكتورى، الەمنىڭ جەتىنىشى باي ادامى يلون ماسك جۇڭگو ەكونوميكاسى امەريكا قۇراما شتاتتارىنان كەم دەگەندە ەكى نەمەسە ءۇش ەسە اسىپ كەتەتىنىن مالىمدەدى. بۇل تۋرالى قامشى ءتىلشىسى امەريكالىق CNBC تەلەارناسىنا سىلتەمە جاساپ حابارلايدى.

– سىزدەرگە ءبىرتۇرلى بولىپ كورىنەتىن نارسە – جۇڭگو ەكونوميكاسى اقش ەكونوميكاسىنان كەمىندە ەكى ەسە، مۇمكىن، ءۇش ەسە اسىپ كەتۋى مۇمكىن. سوعىس نەگىزى – ەكونوميكا... ەگەر ءسىز جاڭاشىل بولماساڭىز، ءسىز جەڭىلەسىز، – دەدى يلون ماسك اقش اسكەري-اۋە كۇشتەرىنىڭ گەنەرال-لەيتەنانتى دجون تومپسونمەن بولعان سۇحباتتا.

اقش پەن جۇڭگو ەكونوميكاسى ءقازىردىڭ وزىندە الەمدەگى ەڭ ءىرى ەكونوميكا. Nasdaq مالىمەتى بويىنشا، اقش-تىڭ جالپى ىشكى ءونىمى (ءجىو) 21،44 تريلليون دوللاردى قۇرايدى جانە الەمدىك ەكونوميكانىڭ تورتتەن بىرىنە يە. ال جۇڭگو ءجىو 14،14 تريلليون دوللارعا تەڭ، ءارى جۇڭگو ەكونوميكاسى ەڭ جىلدام دامىپ كەلە جاتقان تريلليون دوللارلىق ەكونوميكا.

جۇڭگو حالقى امەريكالىقتاردان شامامەن ءتورت ەسە كوپ بولعاندىقتان، ماسك بەيجىڭنىڭ ەكونوميكالىق تۇرعىدان ۆاشينگتوننان اسىپ كەتۋى مۇمكىن ەكەنىن ايتتى. اقش ساناعى بويىنشا، قۇراما شتاتتاردا شامامەن 330 ميلليون ادام تۇرسا، جۇڭگو حالقىنىڭ سانى 1،3 ميلليارد ادامنان اسادى.

– تەك (قىتايدىڭ) جان باسىنا شاققانداعى تابىسى بىزدىكىنىڭ جارتىمسىنا جەتسە، ولار اقش ەكونوميكاسىنان ەكى ەسە اسىپ كەتەدى، – دەدى ماسك.

تومپسونمەن اڭگىمەلەسۋ بارىسىندا ماسك باسەكەگە قابىلەتتىلىكتى ساقتاۋ ءۇشىن اقش-تاعى يننوۆاسيانىڭ ماڭىزىن بىرنەشە رەت اتاپ ءوتتى. عارىش سالاسىنا كەلگەندە ماسك امەريكانىڭ ارتتا قالۋ ءقاۋپى بار ەكەنىن ايتتى.

– بۇل بۇرىن ۇلكەن ءقاۋىپ ەمەس بولسا، قايتا ءقازىر ءقاۋىپ... ەگەر قۇراما شتاتتار عارىشتىق يننوۆاسيانى دامىتپاسا، وندا عارىشتا ەكىنشى ورىن الاتىنىنا مەنىڭ كۇمانىم جوق، – دەدى تەح-ميللياردەر. 

جاقىندا يلون ماسكت قالاي الەمنىڭ جەتىنشى باي ادامى بولعانى جاريالانعان.

سونىمەن بىرگە، ماسك عارىش كومپانياسىنا 37 ميلليارد دوللار ينۆەستيسيا سالىپ، 30 مامىردا SpaceX كومپانياسى ەكى عارىشكەردى حالىقارالىق عارىش ستانسياسىنا جىبەرگەن. ول كۇن "امەريكالىق عارىشتىق باعدارلامانىڭ جاڭا ءداۋىرى باستالعان كۇن" دەپ سيپاتتالعان. ويتكەنى NASA عارىشكەرلەرى اقش توپىراعىندا 2011 جىلدان بەرى عارىشقا ۇشپاعان. 2011 جىلدان باستاپ ولار عارىشقا بايقوڭىردان ۇشىپ كەلگەن. ۇشىرىلىم ءساتتى بولعاننان كەيىن، عارىش كەمەسىنىڭ قازاقستاننان وتكەن ءساتىنىڭ ۆيدەوسى جاريالانعان.